Lirik Lagu Dayak Ngaju Kalimantan Tengah Mahaga budaya itah

Hetuh aku mampalampang kesah
jamban manyundau je kula tundah
handak manggatang isut sejarah
seni budaya kalimantan tengah

katika jetuh aku manyupa 
tundah jalahan je ngaju ngawa
bara kota palus akan desa
itah mampalampang seni budaya

ikei manyundau tindah pahari
bakas tabela hatue bawi
keleh palampang seni budaya
karungut deder kinyah manari

seni budaya keleh imparahan
ije impelai uluh bakas huran
deder dongkoi karimoi kandan
sansana marung ela inyahukan

kalute kea deder karungut
keleh itah halajur palembut
dia baya bara tanah laut
karajin itah je bara bahut

ayu itah sama mampalampang
utus dayak panggarak betang
mambangun budaya jetuh mambatang
je jadi impelai awi tatu hiang

budaya itah tu are tutu
barang tumbang sampai kan hulu
jetuh panengan bara bue tatu
mangat iwaris awi anak esu

tagal te itah kajalahan are
palampang seni budaya je tege
huran imeteh awi tambi bue
ela tempun petak manana sare

amun itah tau manggali
panatau itah tuh dia hadari
seni budaya barega hai
amun injual akan luar negeri

awi te itah je tundah kula
palampang seni keleh sama sama
awi jetuh budaya bangsa
mampu manarik turis wisata

keleh itah ba atei bulat
mambangun budaya huang kapakat
ibarat tungket manggatang bahat
bele tempun kajang tau bisa puat

budaya dayak tuh are tutu
wisata alam gerak dan lagu
itah mahaga keleh tau tau
ela layan katam je tame buwu

ela talingau je isen mulang
seni budaya keleh impalampang
kalimantan tengah tarung hagatang
tikas tuh helu sarita ingarang


Youtube : Lagu Dayak Ngaju Kalimantan Tengah (Kalteng) Mahaga Budaya Itah

Terima kasih. Semoga bermanfaat ya. GBU

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel