Lagu Lirik Dayak Ngaju karungut Syaer sua - Karungut pandung [ Palangkaraya Kalimantan Tengah ]
Hakarang indang hakarang apang, aku handak basarita panjang, kilau ngalingu je pantun sambang, teras tampang nambuleng luyang
Here are the lyrics to the song Dayak Ngaju from the capital city of Palangkaraya in Central Kalimantan, Indonesia
Lyrics Dayak Ngaju Syaer sua - Karungut pandung
Hakarang indang hakarang apang
aku handak basarita panjang
kilau ngalingu je pantun sambang
teras tampang nambuleng luyang
hayak batutung garu manyan raja
hatuen tingang munduk sambewa
handak nanjur tandak sarita
pahari azzis salamat hasupa
bapa ririn je tandak timang
tabe salamat bara pangarang
balaku hadurut patahu antang
mampisik bereng manambah penyang
aku manabe salabih helu
dengan bisak je kayu lingu
antang patahu nayurui aku
bele ku tau je tulah sahu
andiku azzis ujau maliti
panatau pandung je uei sigi
pintar harati menteng bahanyi
belum batuah hayak marazaki
mangesah isut tamparan huran
bapamu asal kalimantan selatan
bagian bereng panenga Tuhan
mandinu indum bawin kahayan
are puluh nyelu mahalau jadi
kuasan Tuhan ampie manjadi
indu bapa badagang hai
bajanda lewu je tumbang miri
bapam indum je zaman huran
badagang bajudi dia tara lawam
eka sanggahan ungkup babuhan
are mandohop tundah jalahan
haranan katahin je ampin gawi
tuah razaki sasar hadari
salenga tege siap manggapi
dumah apui balaku bagi
jete andi ujian Tuhan
uang duit pinjam pinjaman
itah mahagae baya pandehan
Hatalla tetep manenga jalan
Limbah jete andi ikau sakula
sampai mandinun titel sarjana
aluh lepah je harta benda
panatau ketun magun batisa
ampin rintangan dumah mahalau
dia katawa razaki mangejau
dumah apui mampalepah panatau
tapi masih batisa je melai ikau
bapam manenga hapam nampara
labih bara baratus juta
ampin razaki hindai hasupa
duitmu lepah hayang banaya
jakai dia penyang mangambang
kahandak huang je tatu hiyang
kanuah bitim balanga tingang
balanga habohot je bawin ramang
sapala bitim andi mahaga
bawin balanga akan tunggu huma
andi manduae dia sia sia
tege tuah razakie bara Hatalla
jadi mandinun garing tarantang
bapa ririn auh tandak timang
razakim belum je dia gampang
are mahaba dinu mandulang
bapa ririn pintar harati
bajenta bajorah hayak pamasi
eka karajin tuah razaki
akan bahat lewu je tumbang miri
manumun kesah je zaman usang
asal tamparan je tingang indang
uluh bara je lewu tehang
ngaju kaleka je tumbang nyenyang
tarantang undeng je tuntang teweng
tuntang batu sandehen bereng
mangambang penyang sahawung menteng
sewut saritam dia tau leteng
ikau tuh andi je punau tau
dengan kalunen bara ngawa ngaju
ampin razakim bilang ngasimbu
akan pasak danum kahayan hulu
pintar kaharatim je jadi dinu
ikau manggunae je tau tau
dia hapam nanjaru manipu
bagawi hapam pamaju lewu
pahari azzis ewen due sawae
bajenta bajorah pander sarita
rajin mamalus pangajan kulae
hayak manyarungan bari panginae
andiku azzis baatei randah
dia purun nampayah uluh je susah
mudahan razakim je bakarinah
belum panjang umur hayak batuah
iyoh nah andi je tempue jatta
hatuen balanga tarantang raja
mudahan halajur asin Hatalla
badehen upun tihang banderang
sewut saritam balaku lampang
belum barazaki baumur panjang
amun tege asin tunggal sangumang
manyegah tihang bandera panjang
hakarang indang hakarang apang
tende helu kanderang tingang
mikeh saritangku are bajangkang
balaku ampun kakam pangarang
Youtube Dayak Ngaju Syaer sua - Karungut pandung
Artist singer : Syaer sua
Title song language dayak ngaju : Karungut pandung
Tipe : Karungut song traditional from ethnic group dayak ngaju
The Ngaju Dayak tribe is a sub ethnic of the Dayak descendants who live in Central Kalimantan. The majority of the Dayak Ngaju tribes are concentrated mainly in the capital of Palangkaraya Indonesia.
The collection of Dayak Ngaju songs on this simple blog emphasizes sound quality, professional and polite.
All songs, lyrics and Youtube official music videos. Free Rp 0 for you to watch and listen for a lifetime.
Thank you. GBU.