Lagu Lirik Dayak Ngaju karungut Bilton riwut - Mahalau [ Palangkaraya Kalimantan Tengah ]
Salamat hasundau je tundah kula, bara kota palus akan desa, awang melau hulu je sungei saka, melai dukuh dangau tuntang pasah tana
Here are the lyrics to the song Dayak Ngaju from the capital city of Palangkaraya in Central Kalimantan, Indonesia
Lyrics Dayak Ngaju karungut Bilton riwut - Mahalau
Salamat hasundau je tundah kula
bara kota palus akan desa
awang melau hulu je sungei saka
melai dukuh dangau tuntang pasah tana
tabe salamat lingu nalatai
sahabat mambai pangatai urai
doa salamat aku manyampai
baumur panjang itah handiai
tabe salamat kalunen are
bakas tabela bawi hatue
aluh itah dia hakasene
hajamban karungut atei itah hinje
tahi itah dia hasundau
kula pahari je tukep kejau
tabe pahayak je riwut andau
pahayak karungut riwut mahalau
tabe salamat tundah jalahan
pahari biti ungkup babuhan
awang sariar tuntang pamalan
mudahan kanuah penyang pasihan
mapai hatalla je dia masi
akan itah gagenep biti
awang sakula pintar harati
akan je malan parei manjadi
awang pamatung pamantat gita
mandulang amas tau mahaba
tukang palauk balaku inenga
mandinun berkat bara Hatalla
akan tabela awang sakula
balaku nantilang dahiang baya
kejau bara calaka bahaya
ngalindung asin ranying Hatalla
anak aken awang tabela
tutu tutu ketun amun sakula
mingat indu je tuntang bapa
malan manana je melai desa
amun ketun tamat sakula
jadi mandinu titel sarjana
buli akan lewu mambangun
mandihop pambelum je indu bapa
indu bapa je asi asi
satiap andau malan bagawi
batulak hanhewu halemei buli
manyakula anak mangat harati
anak hatue atawae bawi
mahaga bereng harati rati
ela nantumba ampin karami
bele sakula balang manjadi
hajaman doa itah balaku
balaku asin Hatalla ngambu
batahaseng panjang banyeme ambu
barigas tambang balinga bulu
iyoh ketun tundah pahari
bakas tabela hatue bawi
dengan Hatalla balaku asi
narai kahandak tau manjadi
balaku asi jete mambatang
dengan raja tunggal sangumang
mangat itah baumur panjang
langit lumbah sapendan tingang
itah balaku je kula tundah
balaku asin sahur parapah
mangat halajur manuah itah
mangujan penyang razaki tuah
kalutuh auh tandak sarita
nanjuri pahayak je pantap jela
nganggapung asin Ranying Hatalla
belum panjang umur itah tundah kula
sampai hetuh auh tandak timang
pahayak auh tinang nganderang
itah belum baumur panjang
belum marazaki je tatau sanang
Youtube Dayak Ngaju karungut Bilton riwut - Mahalau
Artist singer : Bilton riwut
Title song language dayak ngaju : Mahalau
Tipe : Karungut song traditional from ethnic group dayak ngaju
The Ngaju Dayak tribe is a sub ethnic of the Dayak descendants who live in Central Kalimantan. The majority of the Dayak Ngaju tribes are concentrated mainly in the capital of Palangkaraya Indonesia.
The collection of Dayak Ngaju songs on this simple blog emphasizes sound quality, professional and polite.
All songs, lyrics and Youtube official music videos. Free Rp 0 for you to watch and listen for a lifetime.
Thank you. GBU.