Lagu Lirik Dayak Ngaju Hendra rungan - Katulas andi [ Palangkaraya Kalimantan Tengah ]
Tabe salamat je tundah kula, bawi hatue bakas tabela, isut bewei taluh nyarita, mangesah pnyakum tuntang panyupa
Here are the lyrics to the song Dayak Ngaju from the capital city of Palangkaraya in Central Kalimantan, Indonesia
Lyrics Dayak Ngaju Hendra rungan - Katulas andi
Tabe salamat je tundah kula
bawi hatue bakas tabela
isut bewei taluh nyarita
mangesah pnyakum tuntang panyupa
metuh garing tabela huran
puji kanuah bawi garagan
bawin balanga takuluk amban
tarantang batang je danum rungan
katika kue andi hasupa
manjuluk tabe bapandang mata
tarewen angat je isi daha
palus mansanan perasaan cinta
angat cinta jadi ku sanae
tabah atei andi narimae
maksud kahandak je aku dengae
uras tabuka itung pikirae
katika jite intan garinda
masih munduk bangku sakula
hajat dengan hatala ngambu
biti bereng kue pasuru
jatun hasupa kue hakeju
atei kakam paham taharu
hajat dengan hatala ngambu
biti bereng kue pasuru
taluh kasayang andi aku dengam
handak misek dengan je indu bapam
amun jadi hapus sakulam
habambai pangendeng je aku dengam
andi mansanan angat kacinta
balaku kue je tau supa
maja taharep je umai bapa
piring pangumbang kakam manenga
angat kacinta puna manjadi
baya dengam je bawin nyai
amun tege uluh manggapi
ateiku kakam je dia sudi
cinta kakam dengam samata
biti berengmu aku haga
amun hatue beken manggoda
sanggupku kakam pertaruh nyawa
jatun beken pilihan atei
andi baya dengam mu bewei
amun hapisah dengan kambang karuhei
angat berengku je kilau matei
gawi ikau eka pilihan
bawin balanga tarantang rungan
sama habambai je hambaruan
cintaku dia putar haluan
haranan gau palaku manenga
akam regan amban balanga
sampai halisang je ngaju ngawa
manggau intan amas parada
kakam halisang malihi rungan
sungei manuhing eka tujuan
bagawi nggau je amas intan
akan tangkirin bawi garagan
katika nggau amas parada
tege nampuh dahiang baya
andau banyahu kilat banyala
andi manggetus hubungan cinta
mantis nuru je danum mate
mahining kutak andi kalute
kacapat nggetus hubungan kue
kilau mambalik je lukap lenge
maka kasayang je aku kakam
sampaiku mili baju pakayam
narai kakurang kataungku dengam
sampai nalingau mu aku kakam
lalau sial manampuh aku
maharap cinta murah bagetu
baya andi aku balaku
ela ndai kue tau pasuru
amun kue tau hasundau
cukup nampayah bara kejau
amun hatukep keleh nahalau
bele manampa ateiku layau
aku kakam baya badoa
manyarah dengan ranying hatala
mudahan andi tau mayupa
hatue tingang jagau bakena
doa kakam dia laluen
dengam andi puna badehen
kataum tindar akan uluh beken
ikau mahaga ela langkamen
petehku andi puna mambatang
dengammu andi malati kambang
mudahan tau je akan penyang
aluh nah kue jadi tambilang
tikas tuh helu auh sarita
akan kakare je tundah kula
harian tinai itah hasupa
tau inyambung hayak seni budaya
Youtube Dayak Ngaju Hendra rungan - Katulas andi
Artist singer : Hendra rungan
Title song language dayak ngaju : Katulas andi
The Ngaju Dayak tribe is a sub ethnic of the Dayak descendants who live in Central Kalimantan. The majority of the Dayak Ngaju tribes are concentrated mainly in the capital of Palangkaraya Indonesia.
The collection of Dayak Ngaju songs on this simple blog emphasizes sound quality, professional and polite.
All songs, lyrics and Youtube official music videos. Free Rp 0 for you to watch and listen for a lifetime.
Thank you. GBU.